Wednesday, October 26, 2016

Deepwater Horizon

DIRECTOR:  Peter Berg  LEAD CAST:  Mark Wahlberg, Kurt Russell, John Malkovich, Gina Rodriguez, Dylan O'Brien, Kate Hudson  SCREENWRITER: Matthew Michael Carnahan, Matthew Sand  PRODUCER: Lorenzo di Bonaventura, Mark Vahradian & David Womark  MUSICAL DIRECTOR:  Steve Jablonsky  GENRE: Action/Thriller/ Drama  CINEMATOGRAPHER:  Enrique Chediak  DISTRIBUTOR: Summit Entertainment  LOCATION: USA  RUNNING TIME: 107 minutes
Technical Assessment: 3
Moral Assessment: 3
Cinema Rating: V14
MTRCB Rating: PG
The film dramatizes the tragic events on board Deepwater Horizon oilrig back in April of 2010. The narrative is told mostly from the point-of-view of chief electronics technician Mike Williams (Mark Wahlberg).  He leaves his loving family behind and arrives on the rig to find the drill site executives, Jimmy (Kurt Russel) and Don (John Malkovich) on board arguing as the former wants to take precautions while the latter pushes to cut corners in order for them to get back on schedule. As they are already 43 days behind delivery, Mike and the rest of the crew are pressured to proceed with the drilling in spite of test results that indicate unfavorable conditions. With that, the situation goes worse and Mike finds himself having to brave the dangers of explosion and shipwreck in order to rescue everyone onboard.

Deepwater Horizon succeeds to be an entertaining piece with the entire feature impressively reenacting a significant event in the oilrig industry.  The chosen thread to tell the story is focused and easy to follow. One would not be lost in the film’s storytelling technique which does not really go far from the familiar ship-of-fools plotline with a twist of heroism towards the end.  The main character is given enough exposition arcs—family, love, friendship, work, etc. so the dramatic heroics and sympathy is very much earned.  Camera techniques and special effects are well executed and the audience is really brought there in the event to experience real terrors of the dangerous explosion.  However, the film lacks in educating the real outcome of the case—as to who’s really to blame or what could have been done to avoid such tragedy from happening again.  Were they pushed by too much capitalism?  Or Greed?  Those were just some angles to the themes that the film could have explored but it chose to stay safe with the Hollywood conventions of filmmaking.

 At the forefront and center of the film is a man who risked his own life and safety to save others.  His convictions, aspirations and motivations are clearly shown from the beginning and are consistent until the end. His big “why” in life is his family – his wife and his daughter.  He wants to remain alive for them. And he believes everybody onboard is feeling the same—they all want to live and survive for their “whys” in life.  What’s really impressive about Mark is his selflessness amidst the danger of his own life.  Human instinct would always go for self-preservation, but here is a man who’s willing to endanger his own life for the safety of others.  He is not driven by anything else than his genuine concern for others.  The film actually focused on this part of the story. Instead of thoroughly investigating into who’s to blame for the tragedy, it opts to focus on one’s act of heroism.  Tragedies such as Deepwater Horizon could bring out the best and the worst in people but this film chose to focus on the best side of man: after the heroic rescue, the survivors huddle together and pray the Our Father.  For some strong language and heavy tragic visuals, and given the highly technical milieu, the film may be too much for the very young so CINEMA deems it as suited only to audiences 14 years old and above.


Tuesday, October 25, 2016

Bakit Lahat ng Guwapo May Boyfriend?


DIRECTOR:  Jun Robles Lana  LEAD CAST:  Anne Curtis, Dennis Trillo, Paolo Ballesteros  GENRE:  Romantic Comedy  PRODUCTION COMPANY:  Viva Films  COUNTRY:  Philippines  LANGUAGE: Filipino  RUNNING TIME: 102 minutes
Technical assessment: 3
Moral assessment: 2
CINEMA rating:  V14
MTRCB rating: PG
Dalang-dala na si Kylie (Anne Curtis) sa pagkakatuklas na ang mga nagiging boyfriend pala niya ay bakla.  Ipinagyayabang ni Kylie sa kanyang boss na isa ring bakla, si Benj (Paolo Ballesteros), na batikan na siya sa pag-“amoy” ng “kloseta” (mula sa “closet queen” o mga baklang nagkukubli), kaya’t maingat na niyang kinikilatis ngayon ang mga lalaking nagkakagusto sa kanya.  Balik naman sa eksena ang kababata at “forever crush” ni Benj na si Diego (Dennis Trillo) na malapit nang ikasal kay Fiona (Yam Conception).  Mula pa sa pagkabata nila ay ipinalagay na ni Benj na “kabalahibo” niya si Diego, kaya sobra siyang nagtataka kung bakit ikakasal ito sa isang babae.  “Ipapaamoy” ni Benj kay Kylie si Diego, at ipagpipilitan naman ni Kylie na nakikitaan niya ng mga palantandaang bakla si Diego—pero hindi naman mapaglalabanan ng dalaga ang damdamin niya para sa makisig at mabait na si Diego. 
Hindi maiiwasang ihambing ang Bakit Lahat ng Guwapo May Boyfriend? sa The Third Party, isang hilaw na dramang kinasasangkutan din ng mga bakla, pagka’t sabay pang ipinapalabas ang dalawa ngayon sa mga sinehan.   Pero dahil siguro rom-com ang Bakit Lahat ng Guwapo May Boyfriend? ay lumabas na higit itong nakakaaliw, dagdag pa sa mas mahusay nitong pagkaka-edit.  Maayos na nagampanan ng tatlong pangunahing artista ang kani-kaniyang mga papel, bagama’t hindi ito maituturing na pambihirang tagumpay pagka’t wala namang malaking hamon ito sa kanilang kakayahang umarte.  
Sa kabila ng kanyang pamagat, hindi tungkol sa pag-iibigan ng mga bakla ang pelikula bagama’t hitik ito sa kabaklaan mula eksena hanggang ekstra.  Sa katunayan, may buntong-hiningang hugot ang tanong ng pamagat na tila nagpapahiwatig na dumarami na yata ang mga binabae sa ating lipunan.  Ang kuwento ng pag-iibigan sa Bakit Lahat ng Guwapo May Boyfriend? ay higit na nakatutok sa pag-aasawa ng isang lalaki at isang babae—inaanyayahan nito ang manunood na pag-isipan o suriin ang mga dahilan kung bakit pumapasok sa kasal ang magkasintahan.  Dahil sa ikinikilos ng nobya na mauuwi sa pag-urong ng kasal, matatanto ng nobyo na magkaiba pala sila ng pangarap sa buhay.  Ang happily-ever-after-ending ay nasa pormula ng mga pelikulang gustong mabigay-hilig sa nagbabayad na publiko, at sa dulo ng Bakit Lahat ng Guwapo May Boyfriend? ay kapuna-puna ang dami ng mga tauhang guwapo’t macho pero namimilantik ang hinliliit.  Tanong tuloy ng CINEMA, “Bakit ang Lahat ng Pinoy Movies Ngayon, May Bakla?”

Wednesday, October 19, 2016

The Third Party

-->
DIRECTOR: Jason Paul Laxamana  CAST:  Angel Locsin, Sam Milby, Zanjoe Marudo, Matet De Leon,  Cherry Pie Picache  WRITER: Charlene Sawit-Esguerra & Patrick John Valencia  STORY:  Enrico Santos  CINEMATOGRAPHY: Dexter Dela Pena  EDITOR: Noah Tonga  MUSIC: Jesse Lasatin  PRODUCER:  ABS CBN  DISTRIBUTOR:  Star Cinema  GENRE:  Romance Dramedy  LOCATION : Philippines  LANGUAGE:  Filipino
RUNNING TIME: 119 mins.
Technical assessment:  3
Moral assessment:  2
CINEMA rating:  V18
MTRCB rating:  R13
Sabay na magtatapos sa kolehiyo na puno ng pangarap ang magkaklase at magkasintahan na sina Andy (Angel Locsin) at Max (Sam Milby). Subalit lingid sa kaalaman ni Andy ay nakapasa pala sa scholarship sa ibang bansa si Max at doon magpapatuloy ng kursong medisina. Hindi ito matatanggap ni Andy at magpapasya itong mag-break na lamang sila bago umalis ni Max. Kapwa sila masasaktan sa pasyang ito, pero hindi ito magiging hadlang para magpatuloy sila sa kani-kanilang buhay. Makalipas ang ilang taon ay magbabalik si Max sa bansa at kokontakin si Andy. Masaya si Andy sa balita at may pananabik na makikipagkita nga siya sa dating nobyo, subalit ang pananabik ay mapapalitan ng pagkabigla at dismaya dahil malalaman niya na bakla na si Max at kasama ang karelasyon niyang si Christian (Zanjoe Marudo) na ipapakilala pa sa kanya. Kaalinsabay nito ay iba pang tila kamalasang darating sa buhay ni Andy—iiwan siyang buntis ng boyfriend at business partner at tatangayin pa nito ang opisyal na pondo ng opisina para sa event project nila.  Masisisante siya sa trabaho, palalayasin siya sa inuupahang apartment dahil di siya makakabayad—nangangailangan pa naman siya ng malaking halaga para sa placement fee niya pagpunta sa Australia. Sa kagipitan tatakbo siya kay Max para humingi ng tulong na di naman siya mabibigo dahil mismong si Christian ang umakong sasagutin ang lahat ng pangangailangan niya sa pera sa kondisyong ipapaampon ni Andy sa kanila ang ipinagbubuntis nito.

Maayos ang build-up ng mga tauhan sa kwento ng Third Party. Hindi tipikal na love triangle  ang pelikula katulad ng karaniwang ipinapakahulagan sa cliché na “third party.”  Bagamat magiging predictable ang wakas, kaabang-abang pa din ang naging trato ng direktor sa mga eksena. Mahusay ang mga pagganap ng halos lahat ng pangunahin at katulong na artista. Lutang na lutang sa pagganap ni Locsin ang background ng karakter ni Andy. At natural na lumabas ang pagkaasiwa niya sa mga eksena ng relasyon ng dalawang bakla.  Nakakaaliw ang disensyo ng produksyon gayundin ang make-up at costume.  Mahusay ang mga kuha sa loob o labas ng bahay at sa mga detalye dito, sa mga clothing designs, at mga pagpapakita ng emosyon na masaya, masakit, malungkot, pagkabigla, pagkainis, pagsisisi, atbp.  Tama lamang ang mga pag-iilaw pati mga tunog na nilapat. Sa kabuuan ay maayos ang teknikal na aspeto ng pelikula, maliban lamang sa labis na mahahabang eksena ng pag-uusap sa isang banda, at sa kabila nama’y kulang na pagpapalalim ng usapan o pagpapaliwanag sa mga desisyon, tulad ng napakabilis na reconciliation ng mag-ina.  Madalas sa pelikula ang paggamit ng luha (ng babae man o bakla) upang isaad ang nararamdaman—sa ganang CINEMA, hindi bale sanang mababaw ang luha basta’t malalim ang pinanggagalingan.  Hindi namin nakita ang lalim na iyon, pagka’t parang minamadali ang mga eksenang magbibigay-katarungan sa bumabahang luha.

Hindi maiaalis na maghihinakit ang anak sa magulang na nag-abandon sa kanya.  Sa Third Party, tila pinalalabas na ito ang isang dahilan kung bakit tinatanggihan ni Andy ang pagbubuntis niya.  Bagama’t ito may may base sa mga totoong nangyayari, hindi ito ang dapat gawing “excuse” sa pagbubuntis nang wala sa panahon, sa pag-ulit ng kuwento ng pagkakamali ng magulang sa anak, sa pagtigas ng puso sa inang nagsusumamo.  Si Andy, kung hindi pa nabuntis, minalas-malas at nagipit, ay hindi lalapit sa ina. Isa pang mensahe ng The Third Party ay: katanggap-tanggap  ang relasyon ng dalawang kapwa lalaki at mag-asam na umampon ng sanggol upang makabuo ng pamilya.  Maaari nilang samantalahin ang sitwasyon ng isang taong nangangailangan upang matugunan ang pag-aasam na ito.
Napakabilis din ng pakikipagpalagayang-loob ni Andy kay Max na first love at first heartache pa man din niya, matapos siyang gulantangin nito sa balitang siya’y isa nang bakla.  Mahalaga sa mga Pilipino ang delikadesa, ngunit ang pagsunggab ni Andy sa alok na set-up ni Christian ay hindi nagpapakita ng delikadesa—sagot ninyo lahat ng gastos at luho ko, sige, inyo na baby ko.  Para bang “if the price is right, go!”  Halata na wala sa bokabularyo ng pelikulang ito ang delikadesa dahil nakatutok ito sa mensahe ng acceptance kaya pinalalabas na normal na sitwasyong ito.  Turo ng ating Simbahan ang pagtanggap sa kapwa anuman ang pagkatao o sexual orientation, pero hindi ibig sabihin ay katanggap-tanggap na din ang mga gawaing taliwas sa karapat-dapat.  Sensitibo ang mga temang tinalakay sa pelikula—teenage marriage, premarital sex, abortion, same sex relationship at adoption—at dahil idinaan sa komedya ang mga maseselang bahagi ng pelikula, maaring makalito ito sa mga murang isipan.  Nang manood ang CINEMA, napuna naming magkahalo ang reaksiyon ng mga tao sa paghahalikan ng dalawang lalaki—may tumitili, may nagsasabi ng “Kadiri!”  Ngunit sa parteng nadatnan ni Andy sa nakaka-kompromisong posisyon sa kama, nagtawanan lamang ang audience sa inarteng reakisyon ni Locsin.  Maging pamanuring manonood tayo.  Hindi lahat ng nakakatawa ay katawa-tawa.